క్లాస్ మేట్ క్లబ్ వనపర్తి ఆధ్వర్యంలో కోనేరు హంపి జన్మదిన వేడుకలు
వనపర్తి క్లాస్ మేట్ క్లబ్ అద్వర్యంలో వనపర్తి జిల్లా పరిషత్ బాలికొన్నత పాఠశాలలో కోనేరు హంపి జన్మదిన వేడుకలు నిర్వహించారు. ఈ సందర్భంగా వనపర్తి క్లాస్ మేట్ క్లబ్ మెంబర్ అంబటి పల్లి వాస్తవ్యులు అంతటి శివప్రసాద్ పాఠశాల కు క్రీడా సామాగ్రి అందజేశారు. ముఖ్య అతిథి వనపర్తి మున్సిపల్ వైస్ ఛైర్మెన్ వాకిటి శ్రీధర్ మాట్లాడుతూ చదరంగం మేధాశక్తిని పెంచుతుందని, విద్యార్థులు అందరూ సాధన చేయాలని కోరారు. ప్రముఖ క్రీడాకారులు, క్రీడా కారిణిల యొక్క జన్మదినాన్ని పురస్కరించుకొని విధి గా ఆటల పోటీలు నిర్వహిస్తూ, వివిధ పాఠశాలలకు క్రీడా సామాగ్రి అందజేస్తున్నందుకు క్లాస్ మేట్ క్లబ్ ఫౌండర్ వాస రాఘవేందర్ కు, క్లాస్ మేట్ క్లబ్ ప్రతినిధుల కు అబినందనలు తెలిపారు. ఎఎమ్.ఓచంద్రశేఖర్ మాట్లాడుతూ ఇలాంటి కార్యక్రమంలో మేము ఇకపై పాల్గొంటామని, క్లాసుమేట్ క్లబ్ ద్వారా ప్రతిభ గల పేద విద్యార్థులను ప్రోత్సహించి వారి బాగు కొరకు ప్రయత్నం చేస్తున్న క్లాసుమేట్ క్లబ్ కు అభినందనలు తెలిపారు.ఎఎమ్.ఓ గణేష్ మాట్లాడుతూ చెస్ నేర్చుకోవడం వలన మాథ్స్ బాగా వస్తుందని, పిల్లలు చురుకుగా తయారు అవుతారని, వారి జీవితంలో కూడ మంచి ప్లాన్ ఏర్పాటు చేసుకొని అన్నింట్లో విజయం సాధిస్తారన్నారు.స్కూల్ హెడ్ మాస్టర్ తారబాయ్ మాట్లాడుతూ మీరు మా స్కూల్ లో ప్రోగ్రాం చెయ్యడం చాలా ఆనంద దాయకం అని అన్నారు. వనపర్తి జిల్లా క్లాసుమేట్ క్లబ్ అధ్యక్షులు ఆకుల రవి శంకర్ మాట్లాడుతూ అందరం కలిస్తే ఇలాంటి కార్యక్రమాలు ఇంకా ఎక్కువ మంది ప్రతిభ గల నిరుపేద విద్యార్థులను గుర్తించి వారికీ సహాయం చెయ్యొచ్చు అని అన్నారు. వనపర్తి ప్రెసిడెంట్ వెంకటయ్య ,జనరల్ సెక్రటరీ రవీందర్ గౌడ్, కోశాధికారి కురుమూర్తి , క్లాసుమేట్ క్లబ్ ప్రతినిధులు అయిన నుర్జహాన్, పి.ఇ.టి పద్మ ,సతీష్, స్కూల్ బోధన, బోధనేతర సిబ్బంది,ప్రభుత్వ జూనియర్ కళాశాల లెక్చరర్లు అనురాధ, ఎస్.మాదవి, మౌనిక, వనజ, క్లాసుమేట్ క్లబ్ ప్రతినితులు పాల్గొన్నారు.
No comments:
Post a Comment