కాంట్రాక్ట్ ఔట్సోర్సింగ్ వైద్య ఉద్యోగుల సమస్యలను పరిష్కరించాలి

చిత్తూర్, పెన్ పవర్

జిల్లావ్యాప్తంగా ప్రభుత్వ ఆసుపత్రిలో పనిచేస్తున్న కాంట్రాక్ట్ ఔట్సోర్సింగ్ వైద్య ఉద్యోగుల సమస్యలను పరిష్కరించాలని కోరుతూ ఏఐటీయూసీ నాయకత్వంలో జిల్లా డి సి హెచ్ ఎస్ అధికారి గారికి  వినతి పత్రం. ఏపీ మెడికల్ కాంట్రాక్ట్ ఎంప్లాయిస్ అండ్ వర్కర్స్ యూనియన్ రాష్ట్ర సంఘం పిలుపు మేరకు, చిత్తూరు జిల్లా వ్యాప్తంగా ప్రభుత్వ ఆసుపత్రిలో పనిచేస్తున్న కాంట్రాక్ట్ ఔట్సోర్సింగ్ శానిటేషన్ సెక్యూరిటీ ల్యాబ్ టెక్నీషియన్ వివిధ కేటగిరీల్లో పనిచేస్తున్న వైద్యుల ఉద్యోగుల సమస్యల పరిష్కారం కోసం  చిత్తూరు ప్రభుత్వ ప్రధాన ఆసుపత్రి లో ఉండు జిల్లా ప్రభుత్వ వైద్యశాల సేవల సమన్వయ అధికారి గారికి వినతి పత్రం సమర్పించారు. ఈ సందర్భంగా ఏ.పీ మెడికల్ కాంట్రాక్ట్ ఎంప్లాయిస్ అండ్ వర్కర్స్ యూనియన్ జిల్లా అధ్యక్షులు పి. మహేంద్ర ,ఏఐటీయూసీ గౌరవ అధ్యక్షులు ఎస్ నాగరాజు లు మాట్లాడుతూ  జిల్లా వ్యాప్తంగా ఆసుపత్రిలో పనిచేస్తున్న కాంట్రాక్ట్ ఔట్ సోర్సింగ్ కార్మికులకు పెండింగ్ జీతాలను వెంటనే చెల్లించాలని, పి.ఎఫ్, ఇఎస్ఐ, అమలుచేయాలని పిఎఫ్  స్లిప్ ప్రతి కార్మికునికి ఇవ్వాలని, ఈఎస్ఐ కార్డు అందించాలని, కోవిడ్ వార్డులో పనిచేసి నిలిచిపోయిన సిబ్బందికి జీతాలు చెల్లించాలని, కోవిడ్ వార్డులో పనిచేస్తున్న సిబ్బందికి పి. పి. కీట్లు శానిటేషన్, మాస్కులు, బ్లౌజులు సరఫరా చేయాలని, రాష్ట్ర ప్రభుత్వం విడుదల చేసిన జీవో నెంబర్ 549 కారం జిల్లా వ్యాప్తంగా  జీతాలు చెల్లించాలని, సుప్రీం కోర్టు తీర్పు ప్రకారం సమాన పనికి సమాన వేతనం ఇవ్వాలని,  కోవిడ్ లో పనిచేస్తున్న ప్రతి సిబ్బందికి ఉచిత బీమా సౌకర్యం కల్పించాలని, ప్రతి నెల జీతం సక్రమంగా మంజూరు చేయాలని, జిల్లా వ్యాప్తంగా  ప్రభుత్వాస్పత్రిలో పనిచేస్తున్న ప్రతి ఒక్కరికి తేడా లేకుండా జీతాలు చెల్లించాలని, పని భారం ఎక్కువ ఉన్నందువలన అదనపు సిబ్బందిని నియమించాలని, తదితర సమస్యల పైన అధికారులు చర్యలు తీసుకొని పరిష్కరించకపోతే పెద్ద ఎత్తున ఆందోళన కార్యక్రమాలు చేపట్టవలసిన వస్తుందని ప్రభుత్వాన్ని హెచ్చరించారు. ఈ కార్యక్రమంలో యూనియన్ జిల్లా నాయకులు ముని వేలు, కిషోర్, జయచంద్ర ,దాసరిచంద్ర ,శంకర్, మునిరత్నం, మణికంఠ ,దామోదర్ రెడ్డి,  ఏఐటీయూసీ నగర అధ్యక్ష కార్యదర్శులు నాగరాజు నాయుడు, సత్యమూర్తి, గంగాధర గణపతి, రమాదేవి,రఘు,గిడ్డుబాయ్ తదితరులు పాల్గొన్నారు.