ప్రభుత్వ పథకాలను సద్వినియోగం చేసుకోవాలి

 ప్రభుత్వ పథకాలను సద్వినియోగం చేసుకోవాలి

చిన్నగూడూరు, పెన్  పవర్

స్థానిక మండల కేంద్రంలో గురువారం నాడు రైతు సమన్వయ సమితి కో ఆర్డినేటర్ మంగపతిరావు ఖాతాదారుల సేవా కేంద్రాన్ని కొబ్బరికాయ కొట్టి ప్రారంభించడం జరిగింది. ఈ సందర్భంగా వారు మాట్లాడుతూ సబ్బండ వర్గాల సంక్షేమం కోసం తెలంగాణ రాష్ట్ర ప్రభుత్వం అందిస్తున్న ప్రభుత్వ పథకాలను యువత సద్వినియోగం చేసుకోవాలని అన్నారు. మండలంలోని కొప్పుల రవీందర్ ఏర్పాటు చేసుకున్న ఖాతాదారుల సేవా కేంద్రం(మినీ బ్యాంక్ సర్వీస్)ను రిబ్బన్ కట్ చేసి ప్రారంభం చేయడం జరిగిందని తెలిపారు. యువత తమ విలువైన సమయాన్ని వృధా చేసుకోకుండా ఉపాధి అవకాశాలను అన్వేషించు కావాలన్నారు. తెలంగాణ ప్రభుత్వం యువతకు ఉద్యోగ ఉపాధి అవకాశాలను కల్పించేందుకు కృషి చేస్తుందని అన్నారు. ఈ కార్యక్రమంలో మండల అధ్యక్షులు రామ్ సింగ్, వెంకటరెడ్డి, వైస్ ఎంపీపీ పిల్లి వీరన్న, తెరాస మండల ప్రధాన కార్యదర్శి కరె ధారాసింగ్, టిఆర్ఎస్ నాయకులు మత్తయ్య తదితరులు పాల్గొన్నారు.