సత్యనారాయణ సేవలు మాస్టర్ సేవలు చిరస్మరణీయం
జన విజ్ఞాన వేదిక రాష్ట్ర ఉపాధ్యక్షులు మండల సత్యనారాయణ మాస్టర్ చేసిన సేవలు చిరస్మరణీయ మని పలువురు వక్తలు కొనియాడారు. సోమవారము మెంటాడ గ్రామంలో సత్యనారాయణ మాస్టర్ సంతాప సభ ను జన విజ్ఞాన వేదిక, గ్రామస్తులు, తోటి ఉపాధ్యాయులు, యువత ఏర్పాటు చేశారు. ఈ సందర్భంగా రాష్ట్ర జన విజ్ఞాన వేదిక అధ్యక్షులు గండ్రేటి లక్ష్మణ్ రావు,జన విజ్ఞాన వేదిక సలహాదారు గండ్రేటి అప్పలనాయుడు మాట్లాడుతూ దివంగత మండల సత్యనారాయణ మాస్టారు ఒకపక్క ఉద్యోగ బాధ్యతలు నిర్వహిస్తూ, మరోపక్క జనవిజ్ఞాన వేదిక ద్వారా మూఢనమ్మకాలు వట్టి బూటకమని ఆయన సైన్స్ ద్వారా ప్రజలను చైతన్యవంతులను చెయ్యడం కోసం తీవ్రంగా కృషి చేశారని అన్నారు. రెండు తెలుగు రాష్ట్రాల్లో ఆయన మద్యపాన నిషేధం, ప్లాస్టిక్ కవర్లు నిషేధంపై విస్తృతంగా ప్రసారం చేశారని ఈ సందర్భంగా వారు గుర్తు చేశారు. ఆయన ప్రస్తుతం మన మధ్య లేకపోయినా భౌతికంగా దూరమైనా ఆయన చేసిన సేవలు బ్రతికే ఉన్నాయనీ, ఆయన ఆశయాలను కొనసాగించదానికి జన విజ్ఞాన వేదిక, మెంటాడ గ్రామస్తులు కృషి చేస్తామని అన్నారు. ఈ కార్యక్రమంలో జనవిజ్ఞాన వేదిక సభ్యులు, ఉపాధ్యాయులు, గ్రామస్తులు, యువకులు పెద్ద సంఖ్యలో పాల్గొన్నారు.
No comments:
Post a Comment