రోడ్లన్నీ గోతుల మయం చేస్తున్న గుత్తేదారులు

రోడ్లన్నీ గోతుల మయం చేస్తున్న గుత్తేదారులు 

చింతూరు,పెన్ పవర్

 చింతూరు మoడలంలో ఎక్కడ చూసినా రోడ్లన్నీ అధ్వానంగా ఉన్నాయి. నేషనల్ హై వే బాగున్నాయి అనుకుంటే అవి కాస్త పాడు చేస్తున్నారు కాంట్రాక్టర్లు వివరాల్లోకి వెళితే చింతూరు నుండి ఒరిస్సా లోని మోటు   గ్రామాన్ని  కలిపే ఎన్ హెచ్ 326 ఎక్కడ గోతులు లేకుండా నీట్ గా ఉంది. ఆ రోడ్డు మీద వాటర్ పైప్ లైన్ నిర్మాణం కోసం  ధ్వంసం చేస్తున్నారు .అయినా దానికి సంబంధించిన అధికారులు అందుబాటులో లేకపోవడంతో రాత్రికి రాత్రి తవ్వి పైపులు వేస్తూ వెంటనే  పూడుస్తున్నారు. చింతూరు వద్ద అ ఆర్డబ్ల్యూఎస్ శాఖ కోట్ల రూపాయలతో గత రెండున్నర సంవత్సరాల క్రితం పైలెట్ ప్రాజెక్టును ప్రారంభించింది. మండలంలోని సుమారు 26 గ్రామాల ట్యాంకులకు ఎర్రం పేట లోని ఓవర్హెడ్ ట్యాంకు నుండి  రక్షిత మంచినీరు సరఫరా చేయాల్సి ఉంది . ఇందులో భాగంగా కల్లేరు లో ఉన్న ట్యాంక్ ను నీటి సరఫరా కోసం పైపులైన్లు వేస్తున్నారు. అయితే పైపులైన్లు  వేయాల్సిందే కానీ  అది రోడ్డు ను ధ్వంసం చేసి  పైపు  లైన్ నిర్మాణం చేయమని ఎవరు చెప్ప లేదు. రోడ్డు పై నుండి కిందకు దిగితే సమయం ఎక్కడ అ ఎక్కువ పదుతుందో అన్న ఆలోచనతో కాంట్రాక్టర్ స్వార్థం కోసం రోడ్డును ఆనుకొని  వెట్ మిక్స్ అడుగు ఉన్న ఈ ప్రాంతంలో సుమారు మీటర్ల లోతు తవ్వి అందులో హడావిడిగా పైపును వేసి గోతులు నింపుతున్నారు .కొన్నిచోట్ల రోడ్డును ఆనుకొని తవ్వేశారు .రోడ్డుపై ఎక్కడ మట్టిని అక్కడే వదిలేశారు మట్టిని తొలగించడంతో పాటు వర్షాకాలంలో  రోడ్డు దిగి పోకుండా తగిన విధంగా ఎవరైతే తవ్వేశారో వాళ్లే దాన్ని సరి చేసే లాగా అధికారులు చర్యలు తీసుకుంటే ప్రమాదం జరగకుండా చూడవచ్చు. రాబోయే వర్షాకాలంలో రోడ్డును ఏ భారీ వాహనాలు అయినా  ఒక్క అంగుళం కిందకు దిగినా పైపుల కోసం తవ్విన గాడిలో వాహనం దిగ బడి పోయే అవకాశం ఎక్కువగా ఉందనే విషయం అధికారులకు తెలుసు.  కాంట్రాక్టర్ కి కూడా తెలుసు అయినా ఎవరి స్వార్థం వారిది . ఈ విషయం అధికారుల దృష్టికి తీసుకెళ్లగా, తక్షణం చర్యలు  తీసుకుంటామని ఆర్ అండ్ బి శాఖ   డీఈ గణేష్ విలేఖర్లకు తెలిపారు.