ఘనంగా వైయస్సార్ సిపి ఆవిర్భావ దినోత్సవ వేడుకలు
పెన్ పవర్, కందుకూరు
శుక్రవారం పట్టణంలోని ఎమ్మెల్యే క్యాంపు కార్యాలయంలో వై ఎస్ ఆర్ సి పి జెండా ఎగురవేసి ఆవిర్భావ దినోత్సవం ఘనంగా నిర్వహించారు. ఈ సందర్భంగా ఎమ్మెల్యే మానుగుంట మహీధర్ రెడ్డి మాట్లాడుతూ పార్టీ ఎన్ని సంవత్సరాలు నుండి స్థాపించామని కాదని స్థాపించిన అనతికాలంలోనే దేశంలోనే మంచి గుర్తింపు వచ్చిందన్నారు. తను తీసుకుంటున్న సంక్షేమ, అభివృద్ధి కార్యక్రమాల వల్ల ముఖ్యమంత్రి జగన్ మోహన్ రెడ్డిని యావత్ ప్రపంచం ప్రశంసలతో ముంచెత్తుతున్నారు అని అన్నారు. ఇటీవల ప్రశాంతత పోకుండా ఎన్నికలు జరిగిన తీరు ఇంతకుముందు ఎప్పుడూ మన జిల్లాలో ఇలా జరగలేదన్నారు. చిన్న ఘర్షణలకు ఎలాంటి తావు లేకుండా ప్రజాస్వామ్య పద్ధతిలో ఎన్నికలు జరిగేలా చర్యలు తీసుకున్నారని అన్నారు. ప్రజలు స్వచ్ఛందంగా ముఖ్యమంత్రి జగన్ కు జై కొట్టి పంచాయతీ ఎన్నికల ఫలితాలు నిదర్శనమన్నారు. రేపు జరగబోయే మున్సిపల్ ఫలితాలు కూడా జగన్మోహన్ రెడ్డికి ప్రజలు జై కొడుతున్నారని సర్వేలు చెబుతున్నాయి అన్నారు. ఒకే వ్యక్తి తాను తీసుకుంటున్న నిర్ణయాలు రాష్ట్ర భవిష్యత్తుకు పార్టీకి భవిష్యత్తుకై పునాదులు వేస్తూ అన్ని తానై రాష్ట్రంలో పేద వారి కళ్ళల్లో వెలుగు చూసేలా రాష్ట్రంలో పథకాలు ఉన్నాయన్నారు. కొంతమంది నిరాశా నిస్పృహలతో రాజకీయాలు చేస్తున్నారని అలాంటి వారిని ఎవరిని ప్రజలు నమ్మరు అని అన్నారు. ముఖ్యమంత్రి జగన్ నమ్మినవారిని, పార్టీని నమ్ముకున్న వారిని చేరదీస్తూ అందలం ఎక్కిస్తూ ఉన్నారని అన్నారు. అంతకుముందు పార్టీ జెండా ఎగురవేసి అందరికీ వై ఎస్ ఆర్ సి పి పార్టీ ఆవిర్భావ దినోత్సవ శుభాకాంక్షలు తెలిపారు. అనంతరం స్వీట్లు పంచి పెట్టారు. ఈ కార్యక్రమంలో వైసిపి నాయకులు వసంతరావు, గంగిరెడ్డి, వేణుగోపాల్ రెడ్డి, శివ, తొట్టెంపూడి శ్రీనివాసులు, పొడపాటి నరసింహం, గుమ్మడి నరసయ్య, చీమల రాజా, దారం మాల్యాద్రి, కుమ్మర బ్రహ్మయ్య, ఆవుల మాధవరావు, శ్రీనివాసులు రెడ్డి, బ్రహ్మారెడ్డి, వెంకా రెడ్డి, గోనుగుంట వెంకటేశ్వర్లు (తిమోతి), మద్దాలి జగదీష్, నవులూరి శ్రీనివాసరావు, కృష్ణారెడ్డి, మేకనబోయిన శ్రీనివాస రావు, కోటప్ప నాయుడు, తల్లపనేని వెంకటేశ్వర్లు, కామాక్షి నాయుడు, చింతలపూడి మోహన్ రావు, మద్దెల కృష్ణ, తదితరులు పాల్గొన్నారు.
No comments:
Post a Comment