ఘనంగా ఎమ్మెల్సీ కల్వకుంట్ల కవిత జన్మదిన వేడుకలు

 ఘనంగా ఎమ్మెల్సీ కల్వకుంట్ల కవిత జన్మదిన వేడుకలు

మందమర్రి, పెన్ పవర్

నిజాంబాద్ ఎమ్మెల్సీ, తెలంగాణ బొగ్గుగని కార్మిక సంఘం గౌరవ అధ్యక్షురాలు కల్వకుంట్ల కవిత జన్మదిన వేడుకలు మందమర్రి పట్టణంలో శనివారం ఘనంగా నిర్వహించారు. టీబీజీకేఎస్ ఆధ్వర్యంలో ఏరియాలోని అన్ని గనులు, విభాగాలు, యూనియన్ కార్యాలయంలో కేక్ కట్ చేసి, మిఠాయిలు పంచి పెట్టి వేడుకలు నిర్వహించారు. ఈ సందర్భంగా ఏరియా ఉపాధ్యక్షులు మేడిపల్లి సంపత్ మాట్లాడుతూ, టీబీజీకేఎస్ గౌరవాధ్యక్షురాలు ఎమ్మెల్సీ కవిత ఆధ్వర్యంలో సింగరేణి కార్మికులకు అనేక హక్కులు సాధించ బడ్డాయని ఆయన పేర్కొన్నారు. ఆమె మరిన్ని జన్మదినాలు జరుపుకొని అయుఆరోగ్యాలతో, సుఖసంతోషాలతో సుఖంగా జీవించాలని ఆయన భగవంతుని కోరుకున్నాను. అదేవిధంగా పట్టణంలోని వెంకటేశ్వర దేవస్థానంలో జిల్లా జడ్పీ చైర్మన్ నల్లాల భాగ్యలక్ష్మి, మాజీ ఎమ్మెల్యే,మాజీ ప్రభుత్వ విప్ నల్లాల ఓదెలు ఆధ్వర్యంలో ఎమ్మెల్సీ కవిత పేరు మీద ప్రత్యేక పూజలు నిర్వహించారు. అనంతరం కేక్ కట్ చేసి, మిఠాయిలు పంచిపెట్టారు. ఈ కార్యక్రమంలో టిఆర్ఎస్, టీబీజీకేఎస్ నాయకులు జే రవీందర్, నల్లాల క్రాంతి కుమార్, మండల సింగిల్విండో చైర్మైన్ ఎస్ ప్రభాకర్, బడికెల సంపత్ కుమార్, బండారి సూరిబాబు, తిరుమల్ రెడ్డి, కొండల్ రావు, జీడీ బాబు, మిట్ట సూర్యనారాయణ, పుప్పాల సది, సంతోష్, యూనియన్ పార్టీ నాయకులు తదితరులు పాల్గొన్నారు.