ప్రజా పరిషత్ కార్యాలయములో అంతర్జాతీయ మహిళా దినోత్సవం వేడుకలు
జగిత్యాల,పెన్ పవర్
మహిళలను అన్ని రంగాలలో అభివృద్ది పథములో నడిపిస్తున్న శ్రీ కే.సి.ఆర్ గారి మార్గనిర్దేశకత్వం లోని తెలంగాణ రాష్ట్ర ప్రభుత్వం...దావ వసంతసురేష్
అంతర్జాతీయ మహిళా దినోత్సవం ను పురస్కరించుకొని జగిత్యాల జిల్లా ప్రజా పరిషత్ కార్యాలయములో శ్రీమతి దావ వసంతసురేష్,చైర్ పర్సన్, జగిత్యాల జిల్లా ప్రజా పరిషత్ గారి ఆధ్వర్యములో మహిళా దినోత్సవ వేడుకలు నిర్వహించబడినవి. ఇట్టి కార్యక్రమములో శ్రీమతి సింధు శర్మ,IPS సూపరింటేన్డెంట్ ఆఫ్ పోలీస్,జగిత్యాల ముఖ్య అతిధిగా హాజరైనారు. శ్రీమతి అరుణ శ్రీ, అడిషనల్ కలెక్టర్,స్థానిక సంస్థలు , వెల్గటూర్ జిల్లా ప్రాదేశిక వర్గ సభ్యులు శ్రీమతి బి.సుధారాణి , కొడిమ్యాల జిల్లా ప్రాదేశిక వర్గ సభ్యులు శ్రీమతి పి.ప్రశాంతి , బీర్పూర్ జిల్లా ప్రాదేశిక వర్గ సభ్యులు శ్రీమతి పి.పద్మ ఇబ్రహీంపట్నం జిల్లా ప్రాదేశిక వర్గ సభ్యులు శ్రీమతి కే.భారతి , రాయికల్ జిల్లా ప్రాదేశిక వర్గ సభ్యులు శ్రీమతి అశ్విని జాదవ్ హాజరైనారు.అలాగే, కథలాపూర్ మండల పరిషత్ అధ్యక్షురాలు శ్రీమతి జవ్వాజి రేవతి , జగిత్యాల అర్బన్ మండల పరిషత్ అధ్యక్షురాలు శ్రీమతి మ్యాదరి వనిత , మేడిపల్లి మండల పరిషత్ అధ్యక్షురాలు శ్రీమతి దొనకంటి ఉమాదేవి , పెగడపల్లి మండల పరిషత్ అధ్యక్షురాలు శ్రీమతి గోలి శోభ , రాయికల్ మండల పరిషత్ అధ్యక్షురాలు శ్రీమతి లావుడ్యా సంధ్యారాణి హాజరైనారు. జిలా స్థాయి అధికారులు, జి.ప్ర.ప. ముఖ్యకార్యనిర్వహణాధికారి ,జిల్లా ట్రెజరీ అధికారి శ్రీమతి ఎస్.పద్మ , శ్రీమతి ఎల్.శ్రీలత, జి.ప్ర.ప. ఉప ముఖ్యకార్యనిర్వహణాధికారి,డి.ఎం.మార్క్ ఫెడ్ శ్రీమతి దివ్య హాజరైనారు.అదేవిధంగా ఇట్టి కార్యక్రమమునకు మండల స్థాయి మహిళా అధికారులైన మండల పరిషత్ అభివృద్ది అధికారులు, సి.డి.పీ.ఓ. లు, మండల పంచాయతి అధికారులు, ఏ.పి.ఓ.(MNREGA), ఎ.పి.యం.IKP,మండల విధ్యాధికారులు, వైద్యాధికారులు,ఆశా కార్యకర్తలు, ఏ.ఎన్.ఎం.లు, జిల్లా మండల కార్యాలయములలో వివిధ స్థాయి లలో పనిచేస్తున్న మహిళా ఉద్యోగులు, జిల్లా సమాఖ్య సంఘ భాధ్యులు తదితరులు హాజరైనారు.
జ్యోతిప్రజ్వలనతో కార్యక్రమము ప్రారంభమై చిన్నారుల సాంస్కృతిక ప్రదర్శనలతో సభికులను ఆనందపరచడం జరిగినది.తదనంతరము కార్యక్రమమునకు హాజరైన మహిళా అధికారులు, ఉద్యోగినులు మరియు ప్రజాప్రతినిధులు మాట్లాడుతూ మహిళలు విద్యావంతులై వారి పిల్లలను సరైన మార్గంలో నడిపించవలసిన మరియు సమాజ సేవలో భాగస్వామ్యం చేయాల్సిన అవసరం ఎంతైనా వున్నదని తెలిజేసినారు. ఇట్టి కార్యక్రమ ముఖ్య అతిధి శ్రీమతి సింధు శర్మ,IPS సూపరింటేన్డెంట్ ఆఫ్ పోలీస్,జగిత్యాల మాట్లాడుతూ విషయములో నేటి సమాజములో జరుగుచున్న అరాచకాలను అధిగమించుటకు మహిళలు తీసుకొనవలసిన జాగ్రతలు తీసుకోవాలని తెలియజేసినారు.కార్యక్రమమును నిర్వహించిన శ్రీమతి దావ వసంతసురేష్,చైర్ పర్సన్, జగిత్యాల జిల్లా ప్రజా పరిషత్ మాట్లాడుతూ ముఖ్యంగా మహిళలు తోటి ఆడవారితో ఈర్శాద్వేషాలతో కాకుండా ప్రేమాభిమానాలతో మెలగాలని అభిప్రాయము వ్యక్తం చేసినారు. మహిళలు శక్తి వంతులై ధైర్యముగా ముందుకు సాగాలని తెలియజేసినారు.మహిళలకు భద్రత కల్పించాలనే సదుద్దేశముతో షి టిమ్ లను నెలకొల్పిన తెలంగాణ రాష్ట్ర ముఖ్యమంత్రి కే.చంద్రశేఖర్ రావు గారికి ధన్యవాదములు తెలియ చేసినారు.నేటి మహిళలు అన్ని రంగాలలో పోటీపడి విజయపథంలో నడవడం మహిళాలోకం గర్వించదగ్గ పరిణామమని ఇందుకు మార్గదర్శక నిర్దేశం చేస్తున్న తెలంగాణ రాష్ట్ర ముఖ్యమంత్రి కే.చంద్రశేఖర్ రావు గారికి ఇట్టి సంధర్బంలో ధన్యవాదములు తెలియజేసినారు.
ఇట్టి కార్యక్రమములో ఉత్తమ సేవలు అందించిన మహిళా అధికారులు,ఉద్యోగులను శాలువాలతో సత్కరించి మోమెంటో బహుకరించారు.
