మనం మన పరిశుభ్రత

మనం మన పరిశుభ్రత

 

పెద్దాపురం పెన్ పవర్

 

పరిశుభ్రత పక్షోత్సవములలో భాగముగా పెద్దాపురం మండలం గ్రామాల్లో  మనం-మన పరిశుభ్రత పైలట్ ప్రాజెక్టు కార్యక్రమమునకు ఎంపిక చేయబడిన చదలాడ మరియు ఉలిమేశ్వరం గ్రామపంచాయితీల యందు 3వ రోజు కార్యక్రమములో భాగముగా గ్రామపంచాయితీల యందు ఎంపిక చేయబడిన టాక్స్ ఫోర్సు టీముల ద్వారా  ట్రాన్సాక్ట్ వాక్ నిర్వహించుట జరిగింది.  కార్యక్రమంలో ప్రత్యేక అధికారులు  మండల పరిషత్ అభివృద్ధి అధికారి, విస్తరణాధికారి(పం.రా & గ్రా.అ.) పెద్దాపురం, గ్రామస్దాయి కమీటి మెంబర్లు, ఏ ఈ -ఆర్ డబ్ల్యూ ఎస్ ఏ ఈ -పి  హాజరయ్యారు. రేపటి నుంచి గ్రామాలలో ప్రతి రోజు 50 కుటుంబాలను సందర్శించి, పారిశుద్ధ్య నిర్వహణపై తగు అభిప్రాయాలు, సమస్యల పరిష్కారమునకు చర్యలు తీసుకొనుదురు. ఈ కార్యక్రమ ముఖ్య ఉద్దేశం అని తెలిపారు

కరోనా పట్ల నిర్లక్ష్య వైఖరి తగదు

కరోనా పట్ల నిర్లక్ష్య వైఖరి తగదు

క్వారంటైన్ సెంటర్లలో సరైన సౌకర్యాలు లేవు

ప్రజారోగ్యంపై ప్రభుత్వం దృష్టి పెట్టాలి

తెలుగుదేశం పార్టీ మండల అధ్యక్షులు కొత్తిం వెంకట శ్రీనివాసరావు డిమాండ్

 

పెద్దాపురం,పెన్ పవర్

 

పెద్దాపురం మండల తెలుగు దేశం పార్టీ అధ్యక్షులు కొత్తిం వెంకట శ్రీనివాసరావు ( కోటి) పాత్రికేయులతో మాట్లాడుతూ. రోజురోజుకీ కరోనా కేసులు పెరుగుతున్న నేపథ్యంలో  బాధితులకు మెరుగైన వైద్య సేవలు అందించాలని కరోనా కారణంగా ప్రజలు తీవ్ర ఇబ్బందులకు గురవుతున్నారని రోగులకు తక్షణం మెరుగైన వైద్య సేవలు అందించడం తో పాటుగా వారిని ప్రభుత్వం ఆర్థికంగా ఆదుకోవాలని. నిర్లక్ష్య వైఖరితో వ్యవహరిస్తూ ఆంటీ పట్టనట్టు వ్యవహరించడంపై తీవ్ర అసంతృప్తి వ్యక్తం చేశారు.  ప్రభుత్వం తగిన చర్యలు తీసుకోలేదని అందువల్లనే రోజుకు ఐదువేలనుండి ఎనిమిది వేల  పైచిలుకు కేసులు నమోదు అవుతున్నాయని  అలాగే పనులు లేక తీవ్రఇబ్బందులు పడుతున్న అన్ని రంగాల కార్మికులను ప్రభుత్వం తక్షణం ఆదుకోవాలని డిమాండ్ చేశారు కరోనా వైరస్ నియంత్రించడం లో రాష్ట్రం చాలా వెనక పడిందని. కరోనా వైరస్ సోకకుండా ప్రజలు  మాస్కులు తప్పనిసరి వాడాలని ఎవరి రక్షణార్థం వాళ్ళు తగు జాగ్రత్త వహించాలని ఆయన కోరారు.  కరోనా క్వరంటైన్ సెంటర్ లో కనీస సౌకర్యాలు కూడా లేవని పది రోజులు ఉంచుకొని టెస్టులు చేయకుండానే బాధితుల్ని వెనక్కి పంపి చేస్తున్నారని ఆయన ఆవేదన వ్యక్తం చేశారు కరోనా కష్ట కాలంలో కూరగాయలు మరియు కిరాణా సరుకులు పంపిణీ చేసిన తెలుగు దేశం పార్టీ నాయకులకు కార్యకర్తలకు అభినందనలు తెలియజేస్తూ తెలుగుదేశం పార్టీ రాష్ట్ర ప్రజలకు అండగా ఉంటుందని ప్రతి కార్యకర్త కరోనా టైంలో సైనికుల్లా పని చేశారని ప్రజలకు అండగా నిలవడమే తేదేపా లక్ష్యమని ఆయన తెలిపారు.

 

 

 

 

 

 

కోవిడ్ వైద్య సేవలు మెరుగు

కోవిడ్ వైద్య సేవలు మెరుగు పర్చాలంటూ సి పి ఎం ధర్నా

 

సామర్లకోట, ,పెన్ పవర్

 

 

కరోన పాజిటివ్ కేసులు విపరీతంగా రాష్ట్రంలోను,జిల్లాలోనూ పెరిగిపోతున్నoదున పాజిటివ్ వచ్చిన ప్రజలకు,కోవిడ్ విధులు నిర్వహిస్తున్న వైద్య సిబ్బందికి అందించే సౌకర్యాలు మెరుగు పరచాలని సి పి ఎం పట్టణ కార్య దర్శి బలం శ్రీనివాసు డిమాండ్ చేశారు.ఈ అంశం పై సోమవారం గాంధీనగర్ సచివాలయం వద్ద సి పి ఎం ఆధ్వర్యంలో ధర్నా కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ రాష్ట్రంలో కరోనా కేసులు లక్ష దాటి దేశంలోనే నాల్గవ స్థానంలో ఉన్నట్టు చెప్పారు.అలాగే తూర్పుగోదావరి జిల్లా రాష్ట్రంలో ప్రధమ స్థానంలో ఉందన్నారు. కరోనా కట్టడికి విధులు వైద్యులు,సిబ్బందికి సరిపడా సౌకర్యాలు కల్పించాలని,పాజిటివ్ తో చికిత్స పొందుతున్న ప్రజలకు మెరుగైన సదుపాయాలు నాణ్యమైన పోషకాహారం, వేడినిళ్లు, నిమ్మరసం వంటి సేవలను అందించాలి అన్నారు.కోవిడ్ విధుల్లో ఉన్న సిబ్బందికి 50 లక్షల బీమా సదుపాయాన్ని కొనసాగించాలి అన్నారు.అలాగే అన్ని ప్రాంతాల్లోనూ కేసులు అధికామవుతున్న నేపధ్యంలో ప్రతిరోజు కోవిడ్ పరీక్షలు చేపట్టాలన్నారు.చేపట్టిన పరీక్షలకు సంబంధించి రిపోర్టులను వెంటనే విడుదల చేసి ప్రజల్లో ఉన్న మానసిక వత్తిడిని పరిష్కరించాలి అన్నారు.అలాగే కరోనా వ్యాప్తికి కరణమవుతున్న మద్యం దుకాణాలను నిలిపి వేయాలన్నారు.ఏ సందర్భంగా సచివాలయ అధికారికి వినతి పత్రాన్ని వారు అందజేశారు.ఈ ధర్నాలో సి పి ఎం నాయకులు కోనా శివకుమార్, బలం సత్తిబాబు,బంటు రవేంద్ర,దొర రమణ,తదితరులు పాల్గొన్నారు.

 

 

కరోనా పట్లప్రజలు మరింతఅప్రమత్తం

కరోనా పట్లప్రజలు మరింతఅప్రమత్తంగా ఉండాలి

సొంత నిధులతో గ్రామ ప్రజలకు మాస్కులు శానిటైజర్లు. పి.పి.ఈ కిట్టు పంపిణీ

పంచాయతీ సెక్రటరీ పద్మరాజ

 

పెద్దాపురం,పెన్ పవర్

 

పెద్దాపురం మండలం రాయభూపాల పట్నం గ్రామంలో కరోనా పట్ల మరింత అప్రమత్తంగా ఉండాలని రానున్న రోజుల్లో కేసులు పెరిగే అవకాశం ఎక్కువగా ఉందని ప్రతి ఒక్కరూ మాస్కులు విధిగా ధరించాలనీ మాస్క్ లేనిది బయట తిరిగి రాదని మీ రక్షణ కోసమే మేమందరం పనిచేస్తున్నామని కరోనా పట్ల ఎటువంటి అవసరం వచ్చినా వాలంటీర్స్ ని గాని పంచాయతీ గాని సంప్రదించాలని 

పంచాయతీ సెక్రటరీ జె.పద్మరాజు కోరారు  అలాగే నా వంతు కృషిగా గ్రామ ప్రజలకు మాస్కులు శానిటైజర్లు పి పి ఈ డ్రెస్లు పారిశుద్ధ్య కార్మికులకు షూలు అందించడం జరిగిందని.ఆయన తెలిపారు.నా ముఖ్య ఉద్దేశం కరోనా బారిన ఎవరు పడకుండా ఉండేందుకే ఇవన్నీ అందించడంజరిగిందని. గ్రామ రక్షణనే మా బాధ్యతగా పంచాయతీ ఎల్లవేళలా సేవలందించడానికి ముందుందని ఆయనతెలిపారు. *గ్రామస్తులుహర్షం*. కల్లు సారాయి నిర్మూలనరహితంగా. తీర్చిదిద్దేందుకు ఆయన చేసిన కృషి మరువలేనిదని గ్రామస్తులు హర్షం వ్యక్తం చేశారు ఇటువంటి  సెక్రెటరీ  మా గ్రామానికిఉండడం గ్రామ ప్రజల అదృష్టంగా భావించాలని గ్రామ పెద్దలు గ్రామస్తులు తెలిపారు. అలాగే గ్రామ అభివృద్ధికి వాలంటీర్స్ వ్యవస్థ  కీలకంగా పని చేస్తుందని గ్రామస్తులు అభినందించారు, ఈ కార్యక్రమంలో గ్రామ వాలంటీర్స్ ఎం.సుభాష్ వి.సాయికృష్ణ,ఎన్.స్వామి,యూ. వీరేంద్ర,దివాకర్,రవి, మణి, వీరకుమార్,పంచాయతీ గుమస్తా శ్రీను మరియు తదితరులు పాల్గొన్నారు.

సంజీవని కోవిడ్ పరీక్షల రిపోర్టులు ఎక్కడా

సంజీవని కోవిడ్ పరీక్షల రిపోర్టులు ఎక్కడా

 

వారం రోజులు దాటినా విడుదల కాని రిపోర్టులు పరీక్షలు చేయించుకున్న వారిలో తీవ్ర ఆందోళన...

 

సామర్లకోట,,పెన్ పవర్

 

ఈ నెల  సామర్లకోట పట్టణంలో సంజీవిని సంచార వాహనం ద్వారా నిర్వహించిన కోవిడ్ పరీక్షల రిపోర్టు ఏమయ్యాయో అర్థం కాని పరిస్థితి స్థానికంగానెలకొంది స్థానిక ప్రభుత్వ జూనియర్ కళాశాల గ్రౌండ్ లో ఈ నే 20 వ తేదీన మూడు వందలకు పైబడి ప్రైమరి ,సెకండరీ కంటాక్టులకు సంబంధించిన మూడు వందలకు పై బడి కోవిడ్ పరీక్షలను పూల్ పద్దతి లో నిర్వహించారు అలా రాత్రి సుమారు తొమ్మిది గంటల వరకు నిర్వహించి సేకరించిన సెంపిల్  కిట్టులను కాకినాడ తరలించారు. ఐతే దానికి ముందు కొద్దీ రోజుల పాటు పట్టణ పరిధిలో భారీగానే పాజిటివ్ కేసులు నమోదు కావడంతో కోవిడ్ లక్షణాలు ఉన్న వారు అనుమానం ఉన్నవారందరికి ఈ పరీక్షలు నిర్వహించిన వాటికి సంబంధించిన రిపోర్టులు ఇప్పటివరకు విడుదల కాకపోవడం ఆశ్చర్యనికి గురి చేస్తుంది.సంజీవి వాహనం ద్వారా చేపట్టిన పరీక్షలు ఏమయ్యాయో స్థానిక వైద్య అధికారులకు సహితం అర్థం కాకపోవడం మరింత ఆశ్చర్యనికి గురి చేస్తుంది.పరీక్షలు చేయించుకుని 8 రోజులు గడిచిన రిపోర్టులు రకవడంతో పరీక్షలు చేయించుకున్న ప్రజలు తీవ్ర మానసిక ఒత్తిడికి గురవుతున్నారు. తమకు పాజిటివ్ వచ్చిందా నెగిటివ్ వచ్చిందా అనే విషయం తెలియక అయోమయానికి గురవుతున్నామని దానితో తాము ఎక్కడికి వెళ్లలేని పరిస్థితులు ఉన్నాయని వారు ఆవేదన వ్యక్తం చేస్తున్నారు.ఇది ఇలా ఉండగా ఒక వేళ పరీక్షలు చేయించుకొన్నవారిలో ఉన్న వయస్కులకు పాజిటివ్ లక్షణాలు ఉంటే వారి పరిస్థితి ఏమిటి అని ప్రజలు ప్రశ్నిస్తున్నారు. కాగా పరీక్షలు చేయించుకున్న వారిలో పలువురు పలు ప్రయివేటు పరిశ్రమలలో పని చేస్తున్నo దున పరీక్షల రిపోర్టులు వస్తే తప్ప తమను విదులులోకి తీసుకోమని యాజమాన్యం చెబుతున్నారు అని దానితో ఉపాధిని కోల్పోయి తీవ్రంగా నష్టపోతున్నాము అని పలువురు కార్మికులు ఉద్యోగులు ఆందోళన చెందుతున్నారు ఈ విషయం పై స్థానిక అర్బన్ హెల్త్ సెంటర్ల వైద్యులను ప్రశ్నిస్తే ఆ రిపోర్టుల కోసమే తాము చూస్తున్నాము అని ఆలస్యానికి కారణం తమకు తెలియడం లేదు అంటున్నారు.దాని పై జిల్లా వైద్య ఆరోగ్య అధికారి డా మల్లిక్ ను వివరణ కోరగా జిల్లా  వ్యాప్తంగా సుమారు 7 వేలకు పై బడి రిపోర్టులు పెండింగులో ఉన్నాయి అన్నారు.కాకినాడ లొ కోవిడ్ పరీక్షలు నిర్వహించే టెక్నీషియన్ ల కొరత ఉన్నందున ఉన్న ఒక్క టెక్నీషియన్ రాత్రి పగలు పనిచేస్తున్న తరగడం లేదు అన్నారు.అయితే స్థానికంగా ఉన్న వైద్య అధికారుల సూచనల ప్రకారం రెడ్ లేబుల్ అతికించిన సెంఫుల్స్ సంబంధించి రిపోర్టులు తొలుత నిర్వహించి వారికి రిపోర్టులను తక్షణం విడుదల చేస్తున్నట్టు చెప్పారు.నెగిటివ్ వచ్చిన రిపోర్టుల విషయంలో ప్రజలు ఇబ్బంది పడకుండా రిపోర్టుల కోసం సమయం పాటించాలన్నారు.అన్ని రిపోర్టులు ప్రకటిస్తామని, ఉన్న పరిస్థితిని ప్రజలు అర్థం చేసుకోవాలి అని డి ఎం హెచ్ ఓ స్పష్టం చేశారు.ఏదేమైనా 20 వ తేదీనాటి రిపోర్టులు ఇప్పటి వరకు రాకపోవడం పట్ల ప్రజలు మానసిక ఒత్తిడిని ఎదుర్కొంటున్నారు అని చెప్పక తప్పడం లేదు.

సోడియం హైపోక్లోరైట్ ద్రావకం పిచికారి

ప్రభుత్వ కార్యాలయాల వద్ద సోడియం హైపోక్లోరైట్ ద్రావకం పిచికారి.

 

గోకవరం పెన్ పవర్

 

 

మండల కేంద్రమైన గోకవరం లో రోజురోజుకు కరోనా వైరస్ ఉదృతంగా వ్యాప్తి చెందడంతో గోకవరం పంచాయతీ సిబ్బంది ముందస్తు చర్యలు చేపట్టారు. కరోనా వైరస్ వ్యాధి వ్యాప్తిని నిరోధించడం కోసం వ్యాధి సోకిన వ్యక్తులు ఇళ్ళ వద్ద మరియు ప్రజలు ఎక్కువగా సంచరించే గోకవరం లోని మండల రెవెన్యూ కార్యాలయం, మండల పరిషత్ కార్యాలయం, మండల ఉపాధిహామీ కేంద్రం, మరియు గోకవరం లోని అన్ని బ్యాంకుల వద్ద ఆర్టీసీ కాంప్లెక్స్ వద్ద, మరియు గ్రామం లోని ఆలయాలు, మసీదులు, చర్చిలో వద్ద సోడియం హైపోక్లోరైట్ ద్రావకాన్ని పిచికారీ చేయడం జరిగింది అని ఆయన తెలియజేశారు. ఈ సందర్భంగా గోకవరం గ్రామ పంచాయతీ కార్యదర్శి టి. శ్రీనివాసరావు మాట్లాడుతూ గ్రామంలో కరోనా వైరస్ వ్యాప్తిని నిరోధించడానికి ముందు జాగ్రత్త చర్యగా అన్ని రకాల నివారణ చర్యలు చేపట్టడం జరిగింది. గ్రామములోని అన్ని విధులను పరిశుభ్ర పరచడంతో పాటు బ్లీచింగ్ కూడా జలటమం చేయడం జరిగిందన్నారు. ముఖ్యమైన ప్రదేశాల వద్ద సోడియం హైపోక్లోరైట్, కాల్షియం హైపోక్లోరైట్ ద్రవాన్ని పిచికారి చేయడం జరిగింది అన్నారు. గ్రామస్తులు ఉదయం 6 గంటల నుండి 11 గంటల వరకు మాస్కులు ధరించి మాత్రమే నిత్యవసర వస్తువులు కొనుగోలు చేయడానికి బయటికి రావాలని అని తెలియజేశారు.

 

 

కరోనా ను జయప్రదం సి డి ఆవిష్కరణ

కరోనా ను జయప్రదం సి డి ఆవిష్కరణ

ఆత్రేయపురం,పెన్ పవర్

ఆత్రేయపురం మండలం ర్యాలీ లో నిర్వహించిన ప్రపంచ దేశాలను వణికిస్తున్న కరోనా మహమ్మారి నుండి ప్రజలందరూ అప్రమత్తంగా ఉండాలని స్థానిక  మ్యాజిక్ ఫ్యామిలీ శ్యామ్ జాదూగర్ కరోనా పై రూపొందించిన కరోనా ను జయుద్దాం అనే వీడియో సిడీని విడుదల చేశారు. ఈ సందర్భంగా శ్యామ్ జాదూగర్ మాట్లాడుతూ కరోనా విజృంభిస్తున్న వేళ మనం కరోనా తో సహజీవనం చేయవలసి ఉన్నకారణంగా దీని బారిన పడకుండా ఉండాలంటే ప్రతి ఒక్కరిలోనూ మనో బలం, శారీరక బలం, వినోద బలం లను ఎలా అభివృద్ధి చేసుకోవాలో ఈ సీడీలో వివరించడం జరిగిందని వీటిని సోషల్ మీడియా ద్వారా విస్తృత ప్రచారం చేసి ప్రజలలో అవగాహన పెంచనున్నట్లు తెలిపారు. ఈ కార్యక్రమంలో మ్యాజిక్ ఫ్యామిలీ సభ్యులు మోహిత్, అన్నపూర్ణ, రుషిత్ లు పాల్గొన్నారు.