డిప్యూటీ మేయర్ సతీష్ ఆధ్వర్యంలో ఆత్మీయ సమావేశం...
విశాఖ ఉత్తరం, పెన్ పవర్
ఇటీవల జరిగిన జివిఎంసి ఎన్నికల్లో 46 వార్డు నుండి కార్పొరేటర్ గా ఎన్నికైన కటుమూరి సతీష్ డిప్యూటీ మేయర్ గా ఎన్నిక నేపథ్యంలో బుధవారం బాలయ్య శాస్త్రి లేఔట్ లో గల సింధూర గెస్ట్ హౌస్ లో ఆత్మీయ సమావేశం ఏర్పాటు చేశారు. ఈ సమావేశంలో ముఖ్యఅతిథిగా విశాఖ ఉత్తర నియోజకవర్గం సమన్వయకర్త కె కె రాజు పాల్గొన్నారు.ఈ సందర్భంగా కె కె రాజు మాట్లాడుతూ మన ముఖ్యమంత్రి వైయస్ జగన్మోహన్ రెడ్డి ముఖ్యమంత్రిగా పదవీ బాధ్యతలు స్వీకరించిన నాటినుంచి ఆంధ్రప్రదేశ్ రాష్ట్ర అభివృద్ధికి కృషి చేస్తున్నారని. అలాగే ఉత్తరాంధ్ర మరింత అభివృద్ధి చెందాలని సంకల్పంతో విశాఖపట్నంను పరిపాలన రాజధాని గా ప్రకటించి మరింత అభివృద్ధికి పునాదులు వేశారని అన్నారు.
ఆయన చేపడుతున్న సంక్షేమ పథకాలు ఫలితంగానే గడిచిన జీవీఎంసీ ఎన్నికల్లో వైఎస్సార్ కాంగ్రెస్ పార్టీ అత్యధిక వార్డుల్లో విజయంసాధించి మేయర్ పీఠం కైవసం చేసుకున్నామని అన్నారు.అలాగే మన నియోజకవర్గం నుంచి డిప్యూటీ మేయర్ గా కటుమూరి సతీష్ ఎన్నిక కావడం మనకు ఎంతో సంతషకరమైన విషయమని అన్నారు. విశాఖ నగర అభివృద్ధిలో శక్తివంచన లేకుండా పనిచేసి మంచి పేరు తెచ్చుకోవాలని ఈ సందర్భంగా తెలియజేశారు. ఈ కార్యక్రమంలో ఉత్తర నియోజకవర్గ పరిధిలోగల కార్పొరేటర్లు తో పాటు ఉత్తర నియోజకవర్గ మహిళలు కార్యకర్తలు అధిక సంఖ్యలో పాల్గొన్నారు.
