ఘనంగా ఏనుగు మనోహర్ రెడ్డి జన్మదిన వేడుకలు.
వేములవాడ, పెన్ పవర్
మార్కెట్ కమిటీ మాజీ చైర్మన్ టిఆర్ఎస్ సీనియర్ నాయకులు ఏనుగు మనోహర్ రెడ్డి జన్మదిన వేడుకలను బుధవారం ఆ పార్టీ శ్రేణులు ఆయన అభిమానులు వేములవాడ పట్టణంలో ఘనంగా నిర్వహించారు.రాజన్న ఆలయంలో ఆయన పేరిట కోడే మొక్కుచెల్లించి ప్రత్యేక పూజలను నిర్వహించారు ఆయన అభిమానులు.అనంతరం ఆలయం ముందు భాగంలో కేక్ కట్ చేశారు. నిరుపేదలకు అన్నదాన కార్యక్రమాన్ని నిర్వహించారు.
ఆదిత్య లో ప్రశాంతంగా ముగిసిన జె.ఈ.ఈ. మెయిన్స్ పరీక్షలు
గండేపల్లి,పెన్ పవర్
గండేపల్లి మండలం సూరంపాలెం ఆదిత్యా ఇంజనీరింగ్ కళాశాలల ప్రాంగణంలో ఉన్న ఆదిత్య ఇంజనీరింగ్ కళాశాల లో ది. బుధవారం రెండవరోజు ఉదయం 9-00 నుండి మధ్యాహ్నం 12-00 గంటల వరకు జరిగిన జె.ఇ.ఇ మెయిన్స్ పరీక్షలు ప్రశాంతంగా జరిగాయి. ఈ పరీక్షలకు ప్రిసిడింగ్ ఆఫీసర్ గా కళాశాల ప్రిన్సిపాల్ డా. ఎం.శ్రీనివాసరెడ్డి,టెస్ట్ సెంటర్ అడ్మిన్ గా ప్రో. ఎం. రాజబాబు వ్యవహరిస్తున్నారు. ఈ రోజు పరీక్షకు ఉ.75మందికి గాను 75మంది అయ్యారని రాజబాబు తెలిపారు. ఈరోజు ఉదయం సెషన్ తో ఆదిత్య లో పరీక్షలు ముగిసాయి. కోవిడ్ నిబంధనలు పాటిస్తూ పరిక్షలకు ఎటు వంటి ఆటంకం లేకుండా ఆదిత్య యాజమాన్యం సహాయసహకారాలు అందించారు.
లొల్ల పాఠశాలలో మద్యాహ్న భోజనం పరిశీలించిన ఎంపీడీఒ
పెన్ పవర్,ఆత్రేయపురం
లొల్ల గ్రామంలో ఉన్న జిల్లా పరిషత్ ఉన్నత పాఠశాలలో మద్యాహ్న భోజన పథకాన్ని ఆత్రేయపురం ఎంపీడీఒ నాతి బుజ్జి పరిశీలించారు. పాఠశాలలో భోజన పథకం అమలు, టాయిలెట్ల సదుపాయం, పదవ తరగతి పాఠ్యాంశాల భోదన, పరీక్షలకు సమాయత్తమవుతున్న విధానం తదితర అంశాలపై పదవ తరగతి విద్యార్థినులను అడిగి తెలుసుకున్నారు. ప్రభుత్వ మెనూ ప్రకారం రుచికరం,శుచి కరమైన భోజనం పిల్లలకు తయారు చేసి పెట్టాలని ఇంప్లిమెంటింగ్ ఏజన్సీ వారిని ఆదేశించారు. ఈ పరిశీలనలో పాఠశాల ప్రదానోపాద్యాయులు అంగర రాజు, ఉపాద్యాయులు ఉన్నారు.అనంతరం గ్రామ సచివాలయాన్ని పరిశీలించి, సచివాలయ సిబ్బంది, గ్రామ వాలంటీర్లతో సమావేశం నిర్వహించి సచివాలయ సర్వీసులు, సచివాలయ సిబ్బంది చేయాల్సిన తనిఖీలు , సంక్షేమ పధకాల అమలు తదితర అంశాలపై సమీక్షించారు. ఈ సమావేశం లో కార్యదర్శి విజయ్, సచివాలయ సిబ్బంది పాల్గొన్నారు.ఇటీవల ఉత్తమ అధికారిణి గా అవార్డు అందుకున్న సందర్భంగా లొల్ల గ్రామ సచివాలయ సిబ్బంది,గ్రామ వాలంటీర్లు గ్రామ పెద్దలు తూము తాతాజీ, డి.సూర్యనారాయణ రాజు, వార్డు సభ్యులు,ఉపాద్యాయులు బెనర్జీ, దేవకుమార్, ఎ.రాజు తదితరులు ఎంపీడీఒ ను సత్కరించారు.
ప్రభుత్వ రంగం మా భవిష్యత్తు...వాటి జోలికొస్తే సహించేది లేదు
జీవో నెంబర్ 3 రిజర్వేషన్ పునరుద్ధరణ చేయాలని
స్టీల్ ప్లాంట్ ప్రైవేటీకరణ నిర్ణయాన్ని వెనక్కి తీసుకోవాలని
పెన్ పవర్ బ్యూరో,విశాఖపట్నం
ఆర్ఎస్.ప్రవీణ్ కుమార్ పై చేసిన అనుచిత వ్యాఖ్యలపై చర్యలు చేపట్టాలి..
తెలంగాణ రాష్ట్ర గురుకులాల కార్యదర్శి డాక్టర్.ఆర్.ఎస్.ప్రవీణ్ కుమార్ పై చేసిన అనుచిత వ్యాఖ్యలు చేసిన వారిపై వెంటనే చర్యలు తీసుకోవాలని ఏఐటీయూసీ రాష్ట్ర నాయకులు, దళిత ఐక్య వేదిక నాయకులు ఏసురత్నం, సీపీఐ కుత్బుల్లాపూర్ కార్యదర్శి మహేష్, స్వేరో సర్కిల్ సొసైటీ మేడ్చల్ జిల్లా అధ్యక్షులు ఎర్ర యాకన్నలు డిమాండ్ చేశారు. మేడ్చల్ జిల్లా కుత్బుల్లాపూర్ జగద్గిరిగుట్ట బస్ స్టాండ్ ప్రాంతంలో స్వేరో సర్కిల్ సొసైటీ ఆధ్వర్యంలో ఏర్పాటు చేసిన నిరసన కార్యక్రమంలో దళిత ఐక్య వేదిక ముఖ్య నాయకులు ఏసురత్నం, సీపీఐ కుత్బుల్లాపూర్ కార్యదర్శి మహేష్, స్వేరో సర్కిల్ సొసైటీ మేడ్చల్ జిల్లా అధ్యక్షులు ఎర్ర యాకన్నలు ముఖ్య అతిధిగా హాజరయ్యారు.. ఈ సందర్భంగా వారు మాట్లాడుతూ తెలంగాణ రాష్ట్రం లో సుమారు 1000 గురుకుల పాఠశాలలో సుమారు 5 లక్షల మంది విద్యార్థులు చదువుతున్నారని, గురుకుల పాఠశాలలో కులాలు, మతాలకు, అతీతంగా ఎస్.సి, ఎస్.టి, బీసి, ఓసి,లు అందరు విద్యార్థుల కు విద్యను అందిస్తున్న ఆర్.ఎస్.ప్రవీణ్ కుమార్ పై అనుచిత వ్యాఖ్యలు చేసిన వ్యక్తులపై చట్టపరమైన చర్యలు తీసుకోవాలని కోరారు. మతోన్మాద, మనువాద భావాలను తమపై రుద్దాడానికి ప్రయత్నం చేస్తున్న బీజేపీ నాయకులు బండి సంజయ్ ఖబర్దార్ అని హెచ్చరించారు. ఈ కార్యక్రమంలో దళిత ఐక్య వేదిక నాయకులు వల్లూరి బాబు రావు, సీపీఐ నాయకులు డప్పు రాములు, వెంకటేష్, సోమయ్య, శ్రీను, దళిత నాయకులు గణేష్, నరేష్, స్వేరో సర్కిల్ సొసైటీ మేడ్చల్ జిల్లా ప్రధాన కార్యదర్శి ఎర్ర వీరన్న, సోమయ్య, రమేష్, అనిల్ కుమార్, తదితరులు పాల్గొన్నారు.
అంగన్వాడీ టీచర్లకు పోషణ పక్వాడ్ గురించి వివరించి వారితో ప్రతిజ్ఞ
మార్చి 16 నుంచి 30 వరకు పోషణ పక్వాడ్ కార్యక్రమం జరుగుతుంది. అందులో భాగంగా ఈ రోజు మాదరం సెక్టార్ లోని 32 మరియు కన్నల సెక్టార్ లోని 25 సెంటర్లలో ఈ రోజు అన్ని సెంటర్లలో సెంటర్లను శుభ్రంగా చేసుకొని పెట్టుకున్నారు. తాండూరు మండల లోని నీలాయపల్లి ఒడ్డార కాలనీ అంగన్వాడీ సెంటర్ కి వైట్ వాష్ చేయించము. అంగన్వాడీ టీచర్లకు పోషణ పక్వాడ్ గురించి వివరించి వారితో ప్రతిజ్ఞ చేయించడం జరిగింది. ఈ కార్యక్రమంలో సూపర్ వైజర్ మమత, అంగన్వాడీ టీచర్లు ఉమారాణి,సువర్ణ, ధనలక్ష్మి, యాదలక్ష్మి, మీనా,అనసూర్య, విజయ, నాగమణి మరియు ఆయా పాల్గొన్నారు.
చేయూత ద్వారా రూ 55 వేలు ఆర్థిక సాయం
పెన్ పవర్, కరప
కరప మండలం గురజానపల్లి గ్రామానికి చెందిన నిరుపేద యువకుడు కోన సాయికుమార్ వైద్యానికి చేయూత స్వచ్ఛంద సేవాసంస్థ రూ 55,555 లు ఆర్ధిక సాయమందించారు. డ్రైవర్ గా పనిచేస్తున్న సాయికుమార్ బ్రెయిన్ ట్యూమర్ తో బాధపడుతున్నట్లు తెలుసుకున్న చేయూత స్వచ్ఛంద సేవాసంస్థ అధ్యక్షుడు ఎం.రవికుమార్, ప్రధాన కార్యదర్శి ఎంఎ అలీమ్, ఎగ్జిక్యూటివ్ సభ్యులు చింతా నారాయణమూర్తి, భాషా, విజయ్ లు తమ సంస్థ సభ్యులతో చర్చించి, విరాళాలు సేకరించారు. మంగళవారం గ్రామ సర్పంచ్ అనసూరి శ్రీనివాసరావు తదితర గ్రామస్తులతో కల్సి బాధిత కుటుంబానికి ఆర్థిక సాయాన్ని అందజేశారు.
